17 красавіка 2017 года ў ДУА «Яслі-сад №7 г.Пружаны» прайшло свята Вялікдзень – «Светлае Хрыстова Уваскрэшанне».

 Выхаванцы старэйшых і сярэдняй груп яшчэ раз успомнілі гісторыю свята, асаблівасці святкавання Вялікадня. Удзельнiкi свята спявалi  вялікодныя песні і прыпеўкі, гулялi у беларускія народныя гульні, вадзiлi  вясёлыя карагоды, чыталi вершы . Не абыйшлося і без гульняў з яйкамі.

Ў госці да дзяцей завітаў Мядзведзь. Ён жартаваў, гуляў з дзецьмі ў народныя гульні. Мерапрыемства садзейнічала пашырэнню ведаў дзяцей пра хрысціяскія традыцыі, далучэнню да каранёў беларускага народа, а таксама выхаванню павагі да народных свят.

З нагоды свята у нашай установе прайшла выстава «Велікодны сувенір», у якой актыўны ўдзел прынялі дзеці, бацькі і педагогі.

Свята атрымалася добрым і светлым, спрыяла развіццю ў дзяцей духоўных каштоўнасцяў.