Зноў смелаю хадою прыйшла доўгачаканая зіма. Чакалі зіму і мае выхаванцы. І не толькі таму што прынесла з сабою шмат забаў, але і таму, што запрасіла дзяцей да сябе ў госці ў Музей-сядзібу «Пружанскі палацык» прыгажуня-ялінка.

І вось нарэшце гэты дзень настаў. Колькі смеху, песень, жартаў, вершаў гучала ў святочны вечар. Да дзяцей на свята завіталі: Зюзя з Белавежскай пушчы, Дзядуля Мароз са Снягурачкай. Выхаванцы з задавальненнем расказвалі вершы, спявалі песні, вадзілі карагоды. А яшчэ завіталі калядоўшчыкі, якія падаравалі шмат незабыўных момантаў і ўражанняў. А самае галоўнае — дзеці маглі зноў і зноў пабачыць народныя звычаі і абрады, перанесціся ў мінулае, адчуць народны каларыт гэтага свята. На працягу дзвюх гадзін не сціхалі песні і жарты. А напрыканцы кожны з дзяцей атрымаў падарунак. Хочацца сказаць «вялікае дзякуй» арганізатарам гэтага цудоўнага свята.

Падрыхтавала выхавальнік дашкольнай адукацыі Максімовіч І.С.